Kitablar
“Cənnətim Qarabağ” layihəsinə start verildi
07.01.2021
“Cənnətim Qarabağ” layihəsinə start verildi

Bildiyiniz kimi, ölkə başçısı, Prezident İlham Əliyev cənabları Şuşa şəhərini Azərbaycan mədəniyyətinin paytaxtı, 2021-ci ili isə dahi şair və mütəfəkkir Nizami Gəncəvinin anadan olmasının 880 illiyi ilə əlaqədar “Nizami Gəncəvi İli” elan etmişdir. 
Bu qərarlar əsasında görüləcək tədbirlərə öz töhfəsini vermək məqsədilə Bakı Kitab Mərkəzi uşaqlar arasında “CƏNNƏTİM QARABAĞ” adlı yeni layihəyə start verir.
Həmin layihədə iştirak üçün 6-14 yaşında səlis və qüsursuz nitq qabiliyyətli uşaqlar dəvət olunur.
• Layihədə iştirak etmək arzusunda olanlardan hər hansı şeir və ya nəsr əsərindən bir parça ifa edib, həmin çıxışın video formatda yazısını FEVRALIN 1-DƏK bakubookcenter@inbox.ru ünvanına göndərməsi xahiş olunur. 
• Uşağın adı, soyadı, əlaqə məlumatları qeyd olunmalıdır.
• Videonun həcmi 2 dəqiqədən çox olmamalıdır.
Seçilmiş ifaçılar layihənin yekun mərhələsində iştirak edəcəklər. Əlavə suallarınız varsa, lütfən 012 505 99 99 nömrəsi və ya Instagram direct vasitəsilə bizimlə əlaqə saxlayın.

Sizə necə kömək edə bilərik?