Sentyabrın 23-də Bakı Kitab Mərkəzində görmə əngəlli uşaqlarla görüş təşkil olunub. Tədbir çərçivəsində uşaqlar Mərkəzdə zəif görmə qabiliyyəti olan oxucular üçün yaradılmış xüsusi guşə ilə tanış olublar. Burada onlar böyüdücü monitorlar vasitəsilə şeirlər oxuyub, Brayl üsulu ilə çap edilmiş kitablara baxıb, həmçinin maraqlı audio-kitabları dinləyiblər. Görüş zamanı uşaqlar Bakı Kitab Mərkəzinin müxtəlif bölmələrini də gəziblər. Mərkəzdə satışda olan uşaqlar üçün kitablar onların böyük marağına səbəb olub.Tədbirin sonunda uşaqlar “Ulduzla oxu” layihəsi çərçivəsində təşkil olunmuş, tanınmış ifaçı Miri Yusifin iştirakı ilə keçirilən görüşdə iştirak ediblər. Daha sonra onlara Bakı Kitab Mərkəzi və Firudin bəy Köçərli adına Respublika Uşaq Kitabxanası adından hədiyyələr təqdim olunub.