Sentyabrın 8-də Bakı Kitab Mərkəzində “Ulduzla oxu” layihəsinin ilk qonağı Azərbaycanın əməkdar artisti, istedadlı müğənni və bəstəkarı Tünzalə Ağayeva oldu. Oxucular və pərəstişkarları ilə birlikdə Cəfər Cabbarlının “Sevdiyim”, Mikayıl Müşfiqin “Oxu”, Ramiz Rövşənin “Bu güzgüyə bir vaxt birgə baxardıq”, Rafiq Zəka Xəndanın “Bayrağım” və digər müəlliflərin şeirlərini səsləndirən müğənni tədbir iştirakçıları ilə birlikdə mahnılar da ifa etdi. Görüş Bakı Kitab Mərkəzinin qonaqlarında xoş və yaddaqalan təəssürat yaratdı.