Dekabrın 19-da, Bakı Kitab Mərkəzində "Tarixlə üz-üzə" layihəsi çərçivəsində Azərbaycanın siyasət və dövlət xadimi, tarix elmləri doktoru Həsən Həsənovla görüş və onun “Makedoniyalı İsgəndər və Atropat” adlı kitabının təqdimatı keçirilmişdir.
 
Müəllif kitab haqqında ətraflı məlumat verərək daha sonra görüş iştirakçılarının çoxsaylı suallarına cavab verdi. 
 
O qeyd etdi ki, kitab Azərbaycan adlı dövlətin yaranmasına, süqutuna və bərpasına həsr edilib. 
 
Kitabda qədim Azərbaycan dövləti olan Atropatenanın əslində eramızdan əvvəl IV əsrdə deyil, VII əsrdə yaranmasından bəhs olunur və tarixi faktlarla sübut olunur.
 
Tədbirin sonunda müəllif kitablarını imzaladı. 
 
Qeyd edək ki, 2017 ildə Moskvanın “Veçe” nəşriyyatında çap olunan “Makedoniyalı İsgəndər və Atropat” adlı kitab 2018 ildə Azərbaycan dilində TEAS nəşriyyatında işıq üzü görmüşdür.