Dekabrın 22-də BKM-də yazıçı Samid Ağayevlə görüş və onun Bakı Kitab Mərkəzinin dəstəyi ilə Azərbaycan və rus dillərində nəşr olunmuş "Bakıdan sevgilərlə" tarixi-fantastik romanının təqdimatı keçirilib.
 
Tədbirdə layihənin rəhbəri, BKM-nin direktoru Günel Rzayeva, kitabın redaktoru və ön sözün müəllifi, şair, yazıçı, AYB-nin katibi İlqar Fəhmi, xalq yazıçısı Çingiz Abdullayev, şair və kitabın tərcüməçisi Şəhrun Süleymanova çıxış edərək, yazıçının əməyini yüksək qiymətləndirib, kitabın əhəmiyyətindən danışmışlar.
 
Yazıçı S.Ağayev kitabının nəşrində xidmətləri olan Bakı Kitab Mərkəzinə öz təşəkkürünü bildirmişdir. Yazıçı, həmçinin, əsəri haqqında danışmış, Rusiyada bu əsəri nəşr etməklə bağlı çətinliklərdən söhbət açmış, suallara cavab vermişdir.
 
Tədbirin sonunda yazıçı oxucular üçün kitabını imzalamışdır.
 
Qeyd edək ki, Mərkəzimizdə satılan S. Ağayevin "Bakıdan sevgilərlə" romanı 1918-ci ilin mart hadisələrinin fonunda baş verən sevgi hekayəsinə həsr olunub.