Dekabrın 28-də Bakı Kitab Mərkəzində Hüquq üzrə Fəlsəfə Doktoru Nadir Adilovun "Gəncsən? Başla!" və "MəqsədliSən?!" kitablarının imzalanma axşamı keçirilmişdir. Gənclərin işgüzar inkişafına kömək edəcək kitablarda müəllifin şəxsən tanıdığı insanların həyatlarındakı real hadisələrə yer verilib. Müəllif qısa müddətdə istənilən məqsədə nail olmağın, şəxsi inkişafın yolları ilə oxucularla bölüşür. Kitablar yeniyetmə və gənclər üçün nəzərdə tutulub. Qeyd edək ki, Nadir Adilov Azərbaycanda və xaricdə çap edilən 100-dən çox elmi məqalənin və 5 elmi əsərin müəllifidir.
17.03.2025
Martın 17-də Bakı Kitab Mərkəzində Bakı şəhəri 3 nömrəli Uşaq-Gənclər İnkişaf Mərkəzinin iştirakı ilə Sağlamlıq imkanları məhdud uşaqlar üçün 3 nömrəli Respublika xüsusi internat məktəbinin və 4 nömrəli internat tipli xüsusi ümumtəhsil məktəbinin şagirdləri üçün Novruz bayramına həsr olunmuş xeyriyyə şənliyi keçirilib.
13.03.2025
Martın 13-də Bakı Kitab Mərkəzində Bakı şəhəri 2 nömrəli Uşaq-Gənclər İnkişaf Mərkəzinin (UGİM) iştirakı ilə 10 nömrəli sanatoriya tipli internat məktəbinin şagirdləri üçün Novruz bayramına həsr olunmuş xeyriyyə şənliyi keçirilib.
07.03.2025
Martın 7-də Bakı Kitab Mərkəzində 8 Mart Beynəlxalq Qadınlar Günü münasibətilə tədbir təşkil olunub. Poeziya və musiqinin birləşdiyi tədbirdə Qara Qarayev, Tofiq Quliyev, Vaqif Mustafazadə və digər Azərbaycan və Avropa bəstəkarlarının əsərləri səsləndirilib.
05.03.2025
Martın 5-də Bakı Kitab Mərkəzində Azərbaycan təhsilinin və mədəniyyətinin inkişafında misilsiz xidmətləri olan, maarifpərvər ziyalı Həbib bəy Mahmudbəyovun 160 illik yubileyi qeyd olunub.
