Yanvarın 31-də Fransanın Lion Lümyer 2 Universitetinin hüquq fakültəsinin dekanı Giyom Protyer Bakı Kitab Mərkəzində mühazirə ilə çıxış etdi və elmi işlərini təqdim etdi.
Qonağı salamlayan Fransa Respublikasının Azərbaycandakı səfirliyinin əməkdaşlıq və mədəniyyət müşaviri cənab Yohan Şitterer bu cür tədbirlərin iki ölkə arasında mədəni və təhsil əlaqələrinin inkişafında böyük rol oynayacağında əminliyini bildirdi.
Görüşdə çıxış edən Giyom Protyer yerli hakimiyyət strukturu, sosial pluralism, siyasi mərkəzləşmə mövzularına toxundu, eləcə də “Qanunun tənqidi nizamı” adlı kitaba daxil olan virtual aləmlərə dair məqaləsindən danışdı.
Virtual aləmin bizə təklif etdiyi azadlıqlardan, burada istifadə etdiyimiz fundamental hüquqlardan söhbət açan qonaq, virtual aləmdə hakimiyyət yaratmağın qeyri-mümkünlüyünü vurğuladı.
Daha sonra qonaq auditoriyanın suallarına cavab verdi.
17.03.2025
Martın 17-də Bakı Kitab Mərkəzində Bakı şəhəri 3 nömrəli Uşaq-Gənclər İnkişaf Mərkəzinin iştirakı ilə Sağlamlıq imkanları məhdud uşaqlar üçün 3 nömrəli Respublika xüsusi internat məktəbinin və 4 nömrəli internat tipli xüsusi ümumtəhsil məktəbinin şagirdləri üçün Novruz bayramına həsr olunmuş xeyriyyə şənliyi keçirilib.
13.03.2025
Martın 13-də Bakı Kitab Mərkəzində Bakı şəhəri 2 nömrəli Uşaq-Gənclər İnkişaf Mərkəzinin (UGİM) iştirakı ilə 10 nömrəli sanatoriya tipli internat məktəbinin şagirdləri üçün Novruz bayramına həsr olunmuş xeyriyyə şənliyi keçirilib.
07.03.2025
Martın 7-də Bakı Kitab Mərkəzində 8 Mart Beynəlxalq Qadınlar Günü münasibətilə tədbir təşkil olunub. Poeziya və musiqinin birləşdiyi tədbirdə Qara Qarayev, Tofiq Quliyev, Vaqif Mustafazadə və digər Azərbaycan və Avropa bəstəkarlarının əsərləri səsləndirilib.
05.03.2025
Martın 5-də Bakı Kitab Mərkəzində Azərbaycan təhsilinin və mədəniyyətinin inkişafında misilsiz xidmətləri olan, maarifpərvər ziyalı Həbib bəy Mahmudbəyovun 160 illik yubileyi qeyd olunub.
