Fevralın 12-də Bakı Kitab Mərkəzində dünyanın ən ülvi hisslərindən olan sevgiyə həsr olunmuş musiqi və poeziya gecəsi keçirildi. Gecədə Azərbaycan Dövlət Mədəniyyət və İncəsənət universitetinin məzunu, qiraətçi-aktyor Səfa Mehdi eşqi vəsf edən poeziyadan: N. Hikmət, M. Müşfiq, R. Rza, R. Rövşən, V. Səmədoğlu və s. şeirlərini ifa etdi. Gecədə, həmçinin, Respublika və Beynəlxalq müsabiqələr laureatları, Üzeyir Hacıbəyli adına Bakı Musiqi Akademiyasının məzunu, pianoçu Vüsal Aydəmirov və Milli Konservatoriyanın tələbəsi, tarzən Ibrahim Babayev ifaları ilə dinləyicilərə xoş anlar yaşatdılar. Musiqiçilərin ifasında xalq mahnıları “Evləri var xana-xana”, “Sarı gəlin”, F.Əmirovun “Mən səni araram”, T. Quliyevin “Sənə də qalmaz”, Frensis Leyin “Love story”, V.Mustafazadənin “Bayatı Şiraz” və s. məşhur əsərləri səsləndi.
17.03.2025
Martın 17-də Bakı Kitab Mərkəzində Bakı şəhəri 3 nömrəli Uşaq-Gənclər İnkişaf Mərkəzinin iştirakı ilə Sağlamlıq imkanları məhdud uşaqlar üçün 3 nömrəli Respublika xüsusi internat məktəbinin və 4 nömrəli internat tipli xüsusi ümumtəhsil məktəbinin şagirdləri üçün Novruz bayramına həsr olunmuş xeyriyyə şənliyi keçirilib.
13.03.2025
Martın 13-də Bakı Kitab Mərkəzində Bakı şəhəri 2 nömrəli Uşaq-Gənclər İnkişaf Mərkəzinin (UGİM) iştirakı ilə 10 nömrəli sanatoriya tipli internat məktəbinin şagirdləri üçün Novruz bayramına həsr olunmuş xeyriyyə şənliyi keçirilib.
07.03.2025
Martın 7-də Bakı Kitab Mərkəzində 8 Mart Beynəlxalq Qadınlar Günü münasibətilə tədbir təşkil olunub. Poeziya və musiqinin birləşdiyi tədbirdə Qara Qarayev, Tofiq Quliyev, Vaqif Mustafazadə və digər Azərbaycan və Avropa bəstəkarlarının əsərləri səsləndirilib.
05.03.2025
Martın 5-də Bakı Kitab Mərkəzində Azərbaycan təhsilinin və mədəniyyətinin inkişafında misilsiz xidmətləri olan, maarifpərvər ziyalı Həbib bəy Mahmudbəyovun 160 illik yubileyi qeyd olunub.
