Bu gün Bakı Kitab Mərkəzinin “Yazıçı ilə dialoq” layihəsinin növbəti qonağı Türkiyənin populyar yazıçısı və blogeri Arda Erel oldu. Xüsusilə gənclər arasında böyük populyarlıq qazanmış yazıçı-bloger Azərbaycanlı pərəstişkarları ilə görüşdə yeni “Sarsıntı” romanını təqdim etdi, Bakı haqqında təəssüratlarıyla bölüşdü, özü haqqında danışdı, suallara cavab verdi.
 
Yazıçı ilə görüşə gələnlər onu alqışlarla qarşıladılar. Görüşün ilk dəqiqələrindən Türkiyəli müəllif və pərəstişkarları arasında səmimi ünsiyyət yarandı. Yazdığı kitablar, statuslar, sevdiyi müəlliflər haqqında düşüncələri ilə bölüşən bloger, həmçinin, tənhalıq, müsbət düşüncə, şəxsi problemlərinin həlli üçün konstruktiv yanaşmanın faydası, mənfi emosiyaların zərəri və s. mövzulara toxundu.
 
Görüş səmimi və pozitiv şəraitdə keçdi. Erelin pərəstişkarları onun kitablarını müəllifin imzası ilə əldə edə bildilər və onunla şəkil çəkdirmək fürsətini qazandılar.
 
A. Ereldən bəzi sitatlar:
 

İnsanlardan çok duyqulara aşık oluyoruz. Gördüğümüze değil, hissettiğimiz şeye tutuluyoruz. Birine takıntılıysak, o kişiye değil; o duyguya, acıya takıntılıyız...

Hayat gerçekten güzel. Belki sen şu an o güzel döneminde değilsin sadece.

Doğru kişi senin karşına çıkmıyorsa, sen onun karşısına çıksana.

Cehaletini bilgelik sanan insandan daha tehlikelisi yok.