Aprelin 15-də Bakı Kitab Mərkəzində Türkiyənin Azərbaycandakı Səfirliyinin himayəsi və “Türkiyə və Azərbaycan İş Adamları və Sənayeçilər” İctimai Birliyinin (TÜİB) təşkilatçılığı ilə Azərbaycana dəvət olunan görkəmli türkiyəli tarixçi alim, professor İlbər Ortaylı “Türklərin qızıl dövrü” adlı kitabını imzaladı.
Müəlliflə görüşdə onun yüzlərlə pərəstişkarları iştirak etdi.
Qeyd edək ki, kitab dünyanın hər yerində memarlıqdan musiqiyə, ədəbiyyatdan təbabətə qədər silinməz iz qoyan, dünya tarixinin zirvəsində taxt quran türklərin möhtəşəm çağından bəhs edir.
Kitaba “Türklər və tarix”, “Əmir Teymur və Teymurilər”, “Qızıl Orda dövləti”, “Krım xanlığı”, “Türklər Roma torpaqlarında” və s. fəsillər daxildir.
17.03.2025
Martın 17-də Bakı Kitab Mərkəzində Bakı şəhəri 3 nömrəli Uşaq-Gənclər İnkişaf Mərkəzinin iştirakı ilə Sağlamlıq imkanları məhdud uşaqlar üçün 3 nömrəli Respublika xüsusi internat məktəbinin və 4 nömrəli internat tipli xüsusi ümumtəhsil məktəbinin şagirdləri üçün Novruz bayramına həsr olunmuş xeyriyyə şənliyi keçirilib.
13.03.2025
Martın 13-də Bakı Kitab Mərkəzində Bakı şəhəri 2 nömrəli Uşaq-Gənclər İnkişaf Mərkəzinin (UGİM) iştirakı ilə 10 nömrəli sanatoriya tipli internat məktəbinin şagirdləri üçün Novruz bayramına həsr olunmuş xeyriyyə şənliyi keçirilib.
07.03.2025
Martın 7-də Bakı Kitab Mərkəzində 8 Mart Beynəlxalq Qadınlar Günü münasibətilə tədbir təşkil olunub. Poeziya və musiqinin birləşdiyi tədbirdə Qara Qarayev, Tofiq Quliyev, Vaqif Mustafazadə və digər Azərbaycan və Avropa bəstəkarlarının əsərləri səsləndirilib.
05.03.2025
Martın 5-də Bakı Kitab Mərkəzində Azərbaycan təhsilinin və mədəniyyətinin inkişafında misilsiz xidmətləri olan, maarifpərvər ziyalı Həbib bəy Mahmudbəyovun 160 illik yubileyi qeyd olunub.
