Mayın 4-də Bakı Kitab Mərkəzində rus yazıçısı və jurnalist Mariya Suvorovskayanın Azərbaycan dilinə tərcümə olunmuş "Xəzər üzərində yelləncək" kitabının təqdimatı keçirilib.
 
Qonaqları salamlayan M. Suvorovskaya kitabın yaranma ideyasından, Bakıya sevgisindən, gələcək planlarından danışaraq, Heydər Əliyev Fonduna, “Rossotrudnichestvo” təşkilatına, Rusiya Federasiyasının Azərbaycan Respublikasındakı səfirliyinə və Bakı Kitab Mərkəzinə təşəkkürünü bildirdi.
 
Ailə, Qadın və Uşaq Problemləri üzrə Dövlət Komitəsinin sədri Hicran Hüseynova, aktyor və rejissor Aleksandr Gadjiyevski, “Şeron” qrupunun solisti Rüstəm Zeynallı müəllifi təbrik etdilər, ona yeni yaradıcılıq uğurları arzuladılar.
 
Təqdimatda, həmçinin, M. Suvorovskayanın sözlərinə "Mən Bakıyla nəfəs alıram" mahnısına çəkilmiş klip nümayiş olundu (bəstəkar Lesya Yaroslavskaya, aranjimançı Rüstəm Zeynallı).
 
Təqdimatın sonunda qonaqlara M. Suvorovskaya tərəfindən imzalanmış və təşəkkür sözləri yazılmış "Xəzər üzərində yelləncək" adlı kitab təqdim olundu.
 
Tədbir konsert proqramı ilə davam etdi.