İyunun 1-də Heydər Əliyev Mərkəzinin parkında təşkil olunmuş ənənəvi Uşaq Festivalında BKM də iştirak etmişdir.
Müxtəlif mövzular və əyləncə növləri üzrə bölünmüş parkda, Bakı Kitab Mərkəzi üçün ayrılmış ərazidə, uşaqlar çeşid-çeşid kitablarla tanış ola bildilər, şeir müsabiqəsinə qatıldılar, nağıl dinlədilər, vaxtlarını dostları ilə birgə əylənərək keçirdilər.
Bakı Kitab Mərkəzinin nəşri olan “OYAN” uşaq jurnalının 1000-nə yaxın nüsxəsi festivala gələn gənc ziyarətçilərə hədiyyə olundu. BKM-nin meydançasında, həmçinin, YARADAN Yaradıcılıq Birliyinin “Yaradan uşaqları” balacalar üçün maraqlı tamaşa göstərdilər. Uşaqların Beynəlxalq Müdafiəsi Günü münasibəti ilə keçirilən festivalda Bakı Kitab Mərkəzinin meydançası çox böyük marağa səbəb oldu.
17.03.2025
Martın 17-də Bakı Kitab Mərkəzində Bakı şəhəri 3 nömrəli Uşaq-Gənclər İnkişaf Mərkəzinin iştirakı ilə Sağlamlıq imkanları məhdud uşaqlar üçün 3 nömrəli Respublika xüsusi internat məktəbinin və 4 nömrəli internat tipli xüsusi ümumtəhsil məktəbinin şagirdləri üçün Novruz bayramına həsr olunmuş xeyriyyə şənliyi keçirilib.
13.03.2025
Martın 13-də Bakı Kitab Mərkəzində Bakı şəhəri 2 nömrəli Uşaq-Gənclər İnkişaf Mərkəzinin (UGİM) iştirakı ilə 10 nömrəli sanatoriya tipli internat məktəbinin şagirdləri üçün Novruz bayramına həsr olunmuş xeyriyyə şənliyi keçirilib.
07.03.2025
Martın 7-də Bakı Kitab Mərkəzində 8 Mart Beynəlxalq Qadınlar Günü münasibətilə tədbir təşkil olunub. Poeziya və musiqinin birləşdiyi tədbirdə Qara Qarayev, Tofiq Quliyev, Vaqif Mustafazadə və digər Azərbaycan və Avropa bəstəkarlarının əsərləri səsləndirilib.
05.03.2025
Martın 5-də Bakı Kitab Mərkəzində Azərbaycan təhsilinin və mədəniyyətinin inkişafında misilsiz xidmətləri olan, maarifpərvər ziyalı Həbib bəy Mahmudbəyovun 160 illik yubileyi qeyd olunub.
