İyulun 28-də Bakı Kitab Mərkəzində tanınmış fitness-ekspert Françeska Ciakomininin “7 day body sculpt” kitabının təqdimat mərasimi keçirildi. Heydər Əliyev Fondunun Vitse Prezidenti Leyla Əliyevanın ön söz yazdığı kitabda F.Ciakomini düzgün qidalanma və unikal bədən modelləşdirmə metodunun sirrini açıqlayır.
F. Ciacomini Romada anadan olub həmin şəhərdə böyümüşdür. Demək olar ki, bütün ömrü boyu idmanla fəal məşğul olmuşdur. Ancaq buna baxmayaraq, müəyyən bir müddət ərzində artıq çəki problemi ilə qarşılaşmışdır. Bu problemi aradan qaldırmaq üçün ona xüsusi bir metodun hazırlanması kömək etdi. Bu metod hər gün 45 dəqiqə ərzində pilateslə məşğul olmasına, həmçinin sadə karbohidratlar, qeyri-təbii, yüksək glisemik indeksli, emal olunmuş, şəkərli qidaların istifadəsindən tamamilə imtina etməsinə əsaslanır.
Tədbirdə Françeska həmin metod haqqında ətraflı danışdı, suallara cavab verdi və, eyni zamanda, enerjini qorumaq üçün dadlı və “Protein topları” adında sağlam bir desertin hazırlamasının qaydasını nümayiş etdirdi.
19.04.2024
Aprelin 19-da Bakı Kitab Mərkəzində Heydər Əliyev Fondunun dəstəyi ilə “Azərbaycan İrəvanı” sənədli filminin nümayişi olub. Fortis Construction şirkətinin “Fortis Films” layihəsi çərçivəsində hazırlanan “Azərbaycan İrəvanı” sənədli filminin təqdimatında Azərbaycanın mədəniyyət, elm xadimləri, rəsmi şəxslər və digər qonaqlar iştirak ediblər.
15.04.2024
Aprelin 15-də Bakı Kitab Mərkəzində Dövlət İmtahan Mərkəzi (DİM) tərəfindən hazırlanmış "Azərbaycan dili bacarıqları üzrə səviyyələrə dair tələblər” adlı Azərbaycan dili üzrə Sertifikasiya imtahanı (ADSİ) üçün metodik vəsaitin təqdimatı keçirilib.
18.03.2024
Martın 18-də Baku Book Center Sağlamlıq imkanları məhdud uşaqlar üçün 3 №-li Respublika Xüsusi internat məktəbi və 10 nömrəli sanatoriya tipli internat məktəbinin şagirdləri üçün Novruz şənliyi təşkil edib.
12.03.2024
Martın 12-də "Regional İnkişaf" İctimai Birliyi (RİİB) və Baku Book Center-in birgə təşkilatçılığı ilə Vətən müharibəsində qazanılan şanlı Qələbəyə və onun tarixinə həsr edilən "Vətən müharibəsi tarixi - Şəxsiyyət faktoru" kitabının çin dilindəki nəşrinin təqdimatı olub.
