Oktyabrın 9-u Bakı Kitab Mərkəzində məşhur yazıçı, “Qızıl qələm” mükafatı laureatı Elxan Elatlının SOS Uşaq Kəndlərinin sakinləri ilə görüşü baş tutdu. Görüşdə çıxış edən və uşaq və yeniyetmələrin suallarını cavablandıran yazıçı qeyd etdi ki, ixtisasça riyaziyyatçı olsa da, onun qiraətə, ədəbiyyata həmişə marağı olub.
Yaratdığı obrazlardan söz açan Elatlı, ana dilini mükəmməl bilməyin vacibliyindən danışıb, yeniyetmələrin düzgün peşə seçimi məsələsinə də toxundu. Qeyd etdi ki, peşə seçimi insanın həyatda verdiyi ən əhəmiyyətli qərarlardan biridir.
Görüşün axırında yazıçı oxucular üçün kitablarını imzaladı.
19.04.2024
Aprelin 19-da Bakı Kitab Mərkəzində Heydər Əliyev Fondunun dəstəyi ilə “Azərbaycan İrəvanı” sənədli filminin nümayişi olub. Fortis Construction şirkətinin “Fortis Films” layihəsi çərçivəsində hazırlanan “Azərbaycan İrəvanı” sənədli filminin təqdimatında Azərbaycanın mədəniyyət, elm xadimləri, rəsmi şəxslər və digər qonaqlar iştirak ediblər.
15.04.2024
Aprelin 15-də Bakı Kitab Mərkəzində Dövlət İmtahan Mərkəzi (DİM) tərəfindən hazırlanmış "Azərbaycan dili bacarıqları üzrə səviyyələrə dair tələblər” adlı Azərbaycan dili üzrə Sertifikasiya imtahanı (ADSİ) üçün metodik vəsaitin təqdimatı keçirilib.
18.03.2024
Martın 18-də Baku Book Center Sağlamlıq imkanları məhdud uşaqlar üçün 3 №-li Respublika Xüsusi internat məktəbi və 10 nömrəli sanatoriya tipli internat məktəbinin şagirdləri üçün Novruz şənliyi təşkil edib.
12.03.2024
Martın 12-də "Regional İnkişaf" İctimai Birliyi (RİİB) və Baku Book Center-in birgə təşkilatçılığı ilə Vətən müharibəsində qazanılan şanlı Qələbəyə və onun tarixinə həsr edilən "Vətən müharibəsi tarixi - Şəxsiyyət faktoru" kitabının çin dilindəki nəşrinin təqdimatı olub.
