Oktyabrın 12-də BKM-də "Deaf Community MMC" və "Ümid var" xeyriyyə könüllüləri təşkilatının müştərək "Sevginin dili yoxdur" adlı layihəsi gerçəkləşib. Layihə eşitmə məhdudiyyətli insanlar tərəfindən tanınmış şairlərin şeirlərinin jest dilinə tərcüməsi ilə həyata keçirilən bir layihədir. Poeziya gecəsi bu dəfə Mədəniyyət Nazirliyinin “Söz” ədəbi layihəsinin iştirakı ilə baş tutmuşdur.
 
Tədbiri layihənin rəhbəri, tanınmış şairə Nigar Həsənzadə aparmışdır. Uşaqların ifasında jest dilində Azərbaycanın dövlət himni səslənmişdir. Xalq şairləri Nəriman Həsənzadə və Fikrət Qocanın iştirak etdiyi tədbirdə həm onların şeirləri, həm də Heydər Əliyev Fondunun vitse-prezidenti Leyla Əliyevanın şeirləri eşitmə məhdudiyyətlilər və gənclər tərəfindən jest dilində tərcümə ilə təqdim edilmişdir. Sonda "Deaf Community MMC”-nin rəhbəri Nuranə Abıyeva Nəsiminin “Ey bülbüli tələb eylə” qəzəlini jest dilində təqdim etmişdir.