Müasir Azərbaycan yazıçısı, bir sıra beynəlxalq və yerli mükafatların sahibi Varis Yolçuyev noyabrın 12-də Bakı Kitab Mərkəzində oxucularla görüşdü.
BKM-nin “Yazıçı ilə dialoq” layihəsinin çərçivəsində baş tutmuş görüşdə yazıçının çoxsaylı pərəstişkarları, o cümlədən, Təhsil Nazirliyinin “Bir” Tələbə-Könüllü Proqramının üzvləri də iştirak etmişlər.
Tədbirdə yazıçı insan həyatında kitabın rolundan, dünyada ən çox oxunan kitablardan, müasir ədəbiyyatdakı tendensiyalar, estetik və bədii zövqün formalaşması üçün vacib amillər ilə bağlı fikirlərini bölüşdü.
İştirakçıları maraqlandıran sualları ətraflı cavablandıran yazıçı, həmçinin, ədəbiyyata gəlişindən, məşhur “Son məktub” və digər əsərlərindən, sevdiyi kitablardan bəhs etdi, həyatında baş vermiş maraqlı əhvalatlardan söhbət açdı.
Ən maraqlı sualları verən oxuculara müəllif imzalı kitablarını hədiyyə etdi.
19.04.2024
Aprelin 19-da Bakı Kitab Mərkəzində Heydər Əliyev Fondunun dəstəyi ilə “Azərbaycan İrəvanı” sənədli filminin nümayişi olub. Fortis Construction şirkətinin “Fortis Films” layihəsi çərçivəsində hazırlanan “Azərbaycan İrəvanı” sənədli filminin təqdimatında Azərbaycanın mədəniyyət, elm xadimləri, rəsmi şəxslər və digər qonaqlar iştirak ediblər.
15.04.2024
Aprelin 15-də Bakı Kitab Mərkəzində Dövlət İmtahan Mərkəzi (DİM) tərəfindən hazırlanmış "Azərbaycan dili bacarıqları üzrə səviyyələrə dair tələblər” adlı Azərbaycan dili üzrə Sertifikasiya imtahanı (ADSİ) üçün metodik vəsaitin təqdimatı keçirilib.
18.03.2024
Martın 18-də Baku Book Center Sağlamlıq imkanları məhdud uşaqlar üçün 3 №-li Respublika Xüsusi internat məktəbi və 10 nömrəli sanatoriya tipli internat məktəbinin şagirdləri üçün Novruz şənliyi təşkil edib.
12.03.2024
Martın 12-də "Regional İnkişaf" İctimai Birliyi (RİİB) və Baku Book Center-in birgə təşkilatçılığı ilə Vətən müharibəsində qazanılan şanlı Qələbəyə və onun tarixinə həsr edilən "Vətən müharibəsi tarixi - Şəxsiyyət faktoru" kitabının çin dilindəki nəşrinin təqdimatı olub.
