Noyabrın 30-da Bakı Kitab Mərkəzində Dövlət Sərhəd Xidmətinin hərbi hospitalının baş həkimi, tibb elmləri doktoru, cərrah Kənan Yusif-zadənin BKM-nin “YÜKSƏL” layihəsi çərçivəsində mühazirəsi keçirildi.
 
“Mədə-bağırsaq sağlamliği: necə, nə vaxt, nə qədər?” mövzusunda mühazirədə K.Yusifzadə mədə-bağırsaq xəstəliklərinin əsas əlamətlərinə, mədə-bağırsaq xəstəliklərini yaradan başlıca faktorlara, müalicə sxemlərinə, nəzər saldı.
 
Qastroenteroloq onu da qeyd etdi ki, son zamanlar insanlar arasında bəzi mədə-bağırsaq xəstəlikləri geniş yayılıb. Burada bir çox faktorlar rol oynayır – genetik və xarici amillər, qeyri-düzgün qidalanma, rejimsizlik, maddələr mübadiləsinin pozulması və s.
 
Mühazirədə Azərbaycan Tibb Universitetin, Bakı Dövlət Universitetinin, Bakı Avrasiya Universitetinin və Tibb Kollecinin tələbələri və rezidentləri iştirak etdilər.
 
Mühazirədən sonra BKM adından iştirakçılara mühazirəçi həkim tərəfindən məsləhət görülmüş, gələcək seminarlarda müzakirə olunacaq mövzuya dair kitablar hədiyyə olundu.