Dekabrın 2-də Bakı Kitab Mərkəzində xalq yazıçısı Kamal Abdullanın “Sirlərin sərgüzəşti” romanının təqdimatı keçirilmişdir. Tədbirdə çıxış edən kitabın redaktoru və ön sözün müəllifi Əlövsət Ağalarov, ictimai-siyasi xadim, filoloq Səyyad Aran, yazıçı Şərif Ağayar və başqaları K.Abdullanın özünəməxsus, kübar ədəbi tərzindən danışmış, yazıçının yeni romanını yüksək qiymətləndirmişlər.
Sonra müəllif iştirakçılarının suallarını cavablandırmış və oxucular üçün kitablarını imzalamışdır.Qeyd edək ki, K. Abdullanın sayca dördüncü romanı olan “Sirlərin sərgüzəşti”ndə paralel zaman və məkan, yaddaş fenomeni, real və irreal hadisələr özünün ədəbi-bədii əksini tapıb.
19.04.2024
Aprelin 19-da Bakı Kitab Mərkəzində Heydər Əliyev Fondunun dəstəyi ilə “Azərbaycan İrəvanı” sənədli filminin nümayişi olub. Fortis Construction şirkətinin “Fortis Films” layihəsi çərçivəsində hazırlanan “Azərbaycan İrəvanı” sənədli filminin təqdimatında Azərbaycanın mədəniyyət, elm xadimləri, rəsmi şəxslər və digər qonaqlar iştirak ediblər.
15.04.2024
Aprelin 15-də Bakı Kitab Mərkəzində Dövlət İmtahan Mərkəzi (DİM) tərəfindən hazırlanmış "Azərbaycan dili bacarıqları üzrə səviyyələrə dair tələblər” adlı Azərbaycan dili üzrə Sertifikasiya imtahanı (ADSİ) üçün metodik vəsaitin təqdimatı keçirilib.
18.03.2024
Martın 18-də Baku Book Center Sağlamlıq imkanları məhdud uşaqlar üçün 3 №-li Respublika Xüsusi internat məktəbi və 10 nömrəli sanatoriya tipli internat məktəbinin şagirdləri üçün Novruz şənliyi təşkil edib.
12.03.2024
Martın 12-də "Regional İnkişaf" İctimai Birliyi (RİİB) və Baku Book Center-in birgə təşkilatçılığı ilə Vətən müharibəsində qazanılan şanlı Qələbəyə və onun tarixinə həsr edilən "Vətən müharibəsi tarixi - Şəxsiyyət faktoru" kitabının çin dilindəki nəşrinin təqdimatı olub.
