Bakıda soyuq, qarlı, çovğunlu qış adətən olmur, lakin uşaqlar və uşaq ruhlu insanlar qışın gəlişinə həmişə çox sevinir. Çünki qışın gəlişi uşaqlar üçün Yeni il şənliyi, Şaxta baba, Qar qız, yolka və hədiyyələr deməkdir. Bir də, Yeni il - gözəl, maraqlı, məzəli tamaşalar deməkdir.
Odur ki, dekabrın 27-də Bakı Kitab Mərkəzinin “OYAN” uşaq teatrı musiqi və zarafatlarla dolu “Yeni il gəlir” tamaşasını ilk dəfə təqdim edib.
Bir tamaşanı səhnəyə qoymaq istəyən rejissordan bəhs edən məzəli səhnə əsəri, hər şeydən öncə çox maraqlı balaca aktyorların ifası, tamaşaçılar tərəfindən alqışlarla qarşılanıb.
Qeyd edək ki, tamaşanın quruluşçu rejissoru Mikayıl Bəylərli, musiqi tərtibatı - bəstəkar Vüqar Camalzadənindir. Tamaşada İncəsənət Gimnaziyasının xor kollektivi, Bakı Xoreoqrafiya Akademiyasının şagirdləri də iştirak edir.
15.04.2024
Aprelin 15-də Bakı Kitab Mərkəzində Dövlət İmtahan Mərkəzi (DİM) tərəfindən hazırlanmış "Azərbaycan dili bacarıqları üzrə səviyyələrə dair tələblər” adlı Azərbaycan dili üzrə Sertifikasiya imtahanı (ADSİ) üçün metodik vəsaitin təqdimatı keçirilib.
18.03.2024
Martın 18-də Baku Book Center Sağlamlıq imkanları məhdud uşaqlar üçün 3 №-li Respublika Xüsusi internat məktəbi və 10 nömrəli sanatoriya tipli internat məktəbinin şagirdləri üçün Novruz şənliyi təşkil edib.
12.03.2024
Martın 12-də "Regional İnkişaf" İctimai Birliyi (RİİB) və Baku Book Center-in birgə təşkilatçılığı ilə Vətən müharibəsində qazanılan şanlı Qələbəyə və onun tarixinə həsr edilən "Vətən müharibəsi tarixi - Şəxsiyyət faktoru" kitabının çin dilindəki nəşrinin təqdimatı olub.
16.02.2024
Fevralın 16-da Bakı Kitab Mərkəzində məşhur argentinalı yazıçı Luiza Valenzuelanın Azərbaycan dilinə tərcümə olunmuş “Başqa silahlar və digər siyasi hekayələr” (Cambio de armas y otros cuentos políticos) adlı kitabının təqdimat mərasimi keçirilib.
