Həyatın mənası, ölüm, xeyir və şər kimi əzəli problemlər Lev Tolstoyun həm irihəcmli əsərlərində, həm də qısa hekayələrində öz əksini tapır. Kitabdakı hekayələrdə də müəllif məişət hadisələri fonunda fəlsəfi ideyaları, bəşəriyyətin əxlaqi, mənəvi və dini şüurunu təsvir edir. Müxtəlif mövzulu 12 hekayəni birləşdirən ana xətt geniş psixoloji təhlil üzərində qurulub. İnsana məhəbbət, özünü tanımaq, nəfslə mübarizə, yaradana inam, təmənnasız yaxşılıq, sonsuz mərhəmət yazıçının hər bir hekayəsinin əsasında durur.