Bu, xarici dilləri yeni öyrənməyə başlayanlar üçün Azərbaycan, rus, ingilis, alman və fransız dillərində olan illüstrasiyalı lüğətdir. O, məktəbəqədər və orta məktəbin ilk siniflərində təhsil alan uşaqların işini xeyli asanlaşdıra bilər. Nəşrdəki rəngarəng illüstrasiyalar sözləri həm anlamağa, həm də yadda saxlamağa kömək edir. Kitabda mövzular bölmələr üzrə yerləşdiyindən, lazımi sözləri tapmaq asanlaşır. Bu kitab vasitəsilə azyaşlı oxucular eyni vaxtda bir neçə xarici dilə aid xeyli söz öyrənmək imkanı qazanır.