İlk öncə uşaqlardan, bu kitabı yaşlı bir insana ithaf etdiyim üçün, üzr istəyirəm. Bunun üçün mənim olduqca ciddi bir səbəbim var: bu insan mənim ən yaxın dostumdur. Eyni zamanda başqa bir səbəbim də var: bu insan hər şeyi anlaya bilmək qabiliyyətinə malikdir, hətta uşaqlar üçün yazılmış kitabları belə. Üçüncü bir səbəbim də var: bu insan Fransada yaşayır və o, orada acdır; o, orada soyuqdan üşüyür. Onun belə bir təskinliyə çox ehtiyacı var. Əgər bu səbəblərin heç biri sizi qane etmirsə, o zaman mən bu kitabı bir uşağa – bu gün artıq boya-başa çatmış bu dostumun uşaqlıq çağına ithaf edirəm. Necə olsa, bütün yaşlı insanların hamısı bir zamanlar özləri də uşaq olub (bir çoxları uşaqlığını xatırlamasa belə). Odur ki, mən ithafımı bu şəkildə dəyişdirməyə qərar verdim.Bir zamanlar balaca oğlan uşağı olan Leon Vert.