Yeniyetməlik dövrü valideynlər üçün ən çətin və gözlənilməz, onları bəzən hətta sarsıdan yaş dövrüdür. Hələ az əvvəl məmnuniyyətlə qucağınıza can atan, dizinizin üstündə oturan "mələy"inizin indi sizdən uzaqlaşıb özünə qapanmasına inanmaq həqiqətən də çətindir. Uşaq indi dünyanı başqa cür qavrayır. Siz məhz bu məqamda onun üçün arxa-dayağa çevrilməlisiniz. Məlum yaş çox mürəkkəb və uşaq üçün kifayət qədər mühüm dövrdür. Bu səbəbdən də sizin vəzifəniz yeniyetməyə kömək etmək, onun maraqlarının dəyişməsinə anlayışla yanaşmaq və ona sevginizi bəxş etməkdir.