“Kamal Abdullanın diskursları... Bildirdiklərindən bilinənlərə” adlanan bu kitab özündə professor Niyazi Mehdinin adlı-sanlı yazar və alimin 30 ildə yazdığı elmi-bədii əsərləri haqqında olan məqalələrini, şərhlərini toplayır. Kamal Abdullanın çoxcildlik əsərləri, – bu öygünü indi söyləmək olar, çünki Vaqif İbrahimoğlu, Rəhman Bədəlov, Aydın Talıbzadə, Ramiz Rövşən kimi parlaq adamların imzaları onun haqqında heyranlığı doğrulayır, – Azərbaycan mentalitetinin, elminin və bədiyyatının ortaya çıxardığı yeni ideyaların, yanaşımların qaynağıdır. Bu kitabda Niyazi Mehdi Kamal Abdullanın təkcə Azərbaycan üçün yox, dünya elminə və mədəniyyətinə verdiyi yetənəkləri açmağa çalışmışdır.