Həyatları boyunca ən azı bir dəfə də olsa Muhəmməd peyğəmbəri ( Allahın ona salavat və salamı olsun ) görüb, iman edən və müsəlman olaraq dünyasını dəyişən tarixi şəxsiyyətlər – Səhabə adlanırlar. Peyğəmbər ( Allahın ona salavat və salamı olsun ) öz səhabələrini çox sevmiş, onlara etibar etmiş və böyük dəyər vermişdir. Səhabələrin həyatları boyunca önəm verdikləri dəyərlər, malik olduqları üstün müsbət keyfiyyətlər, dostluq münasibətləri, dürüstlük, cəsarət, mərhəmət, vətənpərvərlik kimi xüsusiyyətlər yeniyetmələrin özlərini tərbiyələndirməsində mühüm əhəmiyyətə malikdir. Odur ki, bu kitabı oxuyan yeniyetmə hər səhabəni özünəməxsus keyfiyyəti ilə sevəcək, onu özünə nümunə götürəcəkdir. Bu kitab daha öncə nəşr edilmiş “Peyğəmbərlər”, “Muhəmməd peyğəmbər” kitablarının davamı olan “Səhabələr” kitabıdır. I cilddə 18, II cilddə 22, ümumilikdə 40 səhabənin həyatı araşdırılmış, düzgün tarixi mənbələrə əsasən yazılmışdır.