Frenk Kaupervud birja dəllalıdır. Birjada Filadelfiya şəhər bələdiyyəsinin vasitəçisi olaraq maliyyə əməliyyatları aparır, əlindəki külli miqdarda vəsaitdən istifadə edir, paralel olaraq öz biznesini də qurur və xeyli varlanır. Ancaq Frenk bu işdə tək deyil. O, Respublikaçılar Partiyası şəhər təşkilatı rəhbərlərinin şəhər xəzinədarı vəzifəsinə oturtduqları Corc Stinerlə əlbirdir. Bacarıqsız və istedadsız, vəzifəyə ancaq qorxaq və itaətkar olduğuna görə təyin edilən Stiner diribaş və çevik, birja və maliyyə məsələlərindən son dərəcə yaxşı anlayan Kaupervudun sayəsində əməlli-başlı varlanır.