Qadınları uşaqlıqdan “yaxşı” olmağa öyrəşdirirlər. Onların həyatda əsas missiyası sadəcə yaxşı həyat yoldaşı, yaxşı ana olmaqdır. Beləcə, qadınlar fərqində olmadan asılı birinə çevrilirlər. Özünü bəyəndirmək və sevdirmək üçün arzu və istəklərindən vaz keçirlər. Məgər yaxşı yoldaş və ana olmaq üçün “yaxşı qız” olmaq yetərlidirmi? Bu kitabda “yaxşı qız” sindromunun necə yarandığını və bundan necə qurtula biləcəyinizi öyrənəcəksiniz. Özünüzü görə biləcəyiniz real seanslardan dialoqlar və hekayələrlə tanış olacaqsınız. Eyni vəziyyətdən heç kəsə zərər vermədən necə çıxış yolları tapmaq olar, biləcəksiniz. Kitabda çoxsaylı psixoloji texnikalar, meditasiya və testlər var. Bu kitab hər bir qadının şəxsi inkişafı, daxili potensialını üzə çıxarması, ailə bağlarının möhkəmlənməsi və “yaxşı qız”dan güclü şəxsiyyətə çevrilməsində yardımçı olacaq.