Steynbek 1937-ci ildə yazdığı əsərin adını Robert Börnsün məşhur şeirindən (“To a Mouse”) təsirlənərək qoymuşdur. Əsərdə Kaliforniyada Böyük depressiya vaxtı fəhlə kimi işləyən iki nəfərin – Corc Milton və Lenni Smolun həyatından bəhs edilir. Bir-birinə zidd xarakterləri olan dostların arzuları, məqsədlərinə çatmaq üçün başlarına gələn hadisələr əks olunur. Müəllif insanların həm bir-birinə, həm də təbiətə münasibəti məsələsinə toxunur. Özü də bir müddət kənd təsərrüfatı işlərində çalışmış Steynbek bu kitabda şəxsi təcrübəsinə əsaslanmışdır. “Siçanlar və adamlar”… yaşamaq uğrunda mübarizə, “kiçik” insanların reallaşmayan “kiçik” xəyalları, bir sözlə həyatın əsl üzü..