Kitabda XX əsr Azərbaycan Milli İstiqlal mübarizəsi tarixinin ən mühüm hadisələrindən olan Bakının qurtuluşu araşdırılıb. Müəllif kitabda tarixi sənədləri, yazıları, faktları toplayıb oxuculara çatdırmağa çalışıb. Əvvəlcə Azərbaycan Xalq Cümhuriyyəti (1918-1920-ci illər) dövründə nəşr edilmiş yazılar, sonr adan isə mühacirətdə yaşamış azərbaycanlı siyasətçilərin və ziyalıların məqalələri toplanıb, oxucuya təqdim edilib. Eyni zamanda tanınmış Azərbaycan şairlərinin Qafqaz İslam Ordusuna, qəhrəman türk əsgərlərinə həsr etdiyi şeirlər də kitaba daxildir. Kitab müəllim, aspirant və tələbələr üçün faydalı olmaqla yanaşı, Azərbaycan-Türkiyə əlaqələri sisteminin, mühacirət mətbuatımızın öyrənilməsi üçün də əhəmiyyətlidir.