Koronavirus pandemiyasının davam etdiyi, qorxunc virusun az qala hamını evə qapatdığı, məhdudiyyət və çətinliklərin bir-birinə calandığı, insanların bir-birindən sözün əsl mənasında uzaq qaçmağa məcbur qaldığı, əlindəkini sərmayə qoymaqdansa “qaragün” üçün bərk-bərk saxlamağa çalışdığı bir şəraitdə biznesin halından danışmaq ilk baxışda bəlkə də yersiz görünür. Necə deyərlər, keçi can hayında, qəssab piy axtarır... Amma yox. Məsələyə bir də yeni fürsətlər nöqteyi-nəzərindən baxanda gözümüz önündə tam başqa mənzərə canlanır. Məlum olur ki, böhran iqtisadiyyat üçün əslində immuniteti gücləndirən bir vasitədir. Görəsən, niyə?... Evdən işləməyin doğrudanmı inanılmaz üstünlükləri var? Bəs çatışmazlıqları necə?... Karantin dövründə bir əldə iki də yox, beş qarpız tutmaq olarmı?... Biznes sahələri postpandemiya erasına necə hazırlaşsın?... Marketinq zəkasından necə istifadə etmək lazımdır?... Böhran zamanı alternativ marketinq nə deməkdir?...Adamların küçələrdən yığışıb mobil cihazların içinə