Bu kəndin dincliyi məktəb direktorunun meşəbəyi işləyən gənc oğlunun müəmmalı şəkildə yoxa çıxması ilə pozulur. Rayonun hüquq-mühafizə orqanları Ərşad adlı bu gəncin axtarışına başlayırlar. Onun meyiti və ayağından güllə ilə vurulmuş yaralı iti heç kimin çıxmağa cürət etmədiyi “Qartal zirvəsi” deyilən yerdə tapılır. Araşdırmaların gedişində isə daha dəhşətli faktlar üzə çıxır. Məlum olur ki, 22 yaşlı meşəbəyi kənd camaatının 73 ildən bəri axtardığı və müqəddəs saydığı bir qəbri – Qaçaq Mustafanın haqqında əfsanələr dolaşan sirli məzarını tapıbmış.