Sara Dessenin şampan şərabı kimi köpüklü, toy tortu kimi dadlı “Bir dəfə və həmişəlik” bizi nöqsan və çatışmazlıqların adi hala çevrildiyi əsrarəngiz toy təşkilatı aləminə aparır. Əsərin qəhrəmanı Luna məşhur toy təşkilatçısı Natali Barrettin qızıdır. O, cürbəcür toylar görüb, dəniz sahilində, tarixi yerlərdə, dəbdəbəli hotel və klublarda keçirilmiş rəngarəng mərasimlərin şahidi olub. Onun ilk məhəbbəti faciə ilə bitib. Luna o vaxtdan bəri xoşbəxt sonluqlu əbədi sevgiyə inanmır. Ona görə də əksər qadınların gözünü çəkə bilmədiyi yaraşıqlı, qayğısız və şən Ambrouza rast gələndə ondan uzaq durmağa çalışır. Amma Ambrouz ruhdan düşmür, indi o, həqiqətən arzuladığı qıza rast gəlib.