Ceyms Pattersonun əvvəlcə adamı mat qoyan 1 nömrəli bestselleri “Bir hörümçək gəldi” nəşr olundu. İndi isə son illərin ən tükürpərdən, ən unudulmaz əsəri çapdan çıxıb. Los-Ancelesdə yaşayan və silsilə qətlləri tədqiq edən müxbir öldürülür... Şimali Karolina ştatının Çeypl-Hill şəhərində tibb fakültəsinin internaturasında təhsil alan gözəl bir qız yoxa çıxır... Vaşinqton şəhərində yaşayan Aleks Kross bu vaxta qədərki ən qəliz və ən qorxunc qətlləri araşdırmaq üçün təhqiqata qoşulur... Silsilə qətllər törədən iki hiyləgər və çox ağıllı qatil isə öz işindədir. Onlar əməkdaşlıq və bir-birinə kömək edərək, üstəlik, öz aralarında yarışaraq Amerikanın qərb və şərq sahilləri arasında bildiklərini eləyirlər. Onların qarşısında hamı acizdir...