Kişi olmaq hər adamın işi deyil. Bunun üçün gərək əvvəl adam olasan. Ayk Makkaslin on yaşından on altı yaşına çatana qədər böyüklərlə ova gedib bütün sınaqlardan keçir, birinci ovdan sonra ustadının xeyir-duasını alır, sivil dünya tərəfindən gəmirilib qurtarmaqda olan ulu meşənin rəmzi kimi nəhəng və yırtıcı ayı ilə təkbətək dayanır, baxışlarıyla onunla anlaşır, kişilər cərgəsinə daxil olur və hətta bundan sonra da yeni sınaqlar mərhələsi başlayır. İndi onun qarşısında yaşamaq məsuliyyəti durub, onun üzərinə yaşadığı torpağın, bu torpağın sahibi olan babalarının adından böyük günahı və böyük lənəti götürmək vəzifəsi düşüb.