Stiven Kinqin şah əsəri sayılan "O" romanı oxucuları öz səhifələrinə kilidləyərək saxlayır. Yeddi fərqli xarakterin dilindən qələmə alınan bu əsər iki fərqli zaman kəsiyini əhatə edir. Əsər həcminin böyüklüyünə baxmayaraq, kitabı bitirən oxucu bu romanın hələ də davam etməsini istəyir.  "O" kiçik bir qəsəbədə baş verən qeyri-adi əhvalatdan bəhs edir. Derri adlı bu qəsəbədə kanalizasiya barmaqlıqlarının altında dəhşətli bir bədheybət yaşayır. Bütün qəsəbə sakinləri bu dəhşətlə üz-üzədir. Bu bədheybət uşaq vaxtlarını bir qəsəbədə keçirmiş yeddi dostun da həyatında da dərin izlər qoymuşdur. Kitab uşaq vaxtı özlərini "İtirənlər klubu" adlandıran bu dost qrupundakı yeddi şəxsin uşaqlıq və yetkinlik dönəmi olaraq iki fərqli zamandan bəhs edir.