Atatürk, Qazi Mustafa Kamal (1881-1938) Türkiyə Cümhuriyyətinin qurucusu, dövlət, hərbi və siyasi xadim olmuşdur. 1923-1938-ci illərdə Türkiyənin ilk prezidenti olmaqla ölkəyə rəhbərlik etmişdir. “Atatürk” adı ona 1934-cü ildə Türkiyə Böyük Millət Məclisinin qərarı ilə verilmişdir.Bu kitabçada dahi Atatürkün həyat və fəaliyyətinin ən yaddaqalan məqamları və xarakterinin bilinməyən cizgiləriylə tanış ola biləcəksiniz.Orta məktəbə gələnə qədər Mustafa idi… Riyazi bacarıqları ilə Mustafa Kamal oldu… Yüz illərin köklü vərdiş və ənənələrini qırıb atdı, adı Qazi Mustafa Kamal Atatürk oldu... Türk xalqı onu qısaca “Atatürk” adlandırdı.