Azərbaycan şifahi xalq ədəbiyyatının qiymətli əsəri olan “Koroğlu” dastanında xalqımıza məxsus qəhrəmanlıq, vətənpərvərlik, humanizm, dostluq, qardaşlıq, qonaqsevərlik və başqa xüsusiyyətlər parlaq bədii ifadəsini tapıb. Aşıq yaradıcılığının bu əzəmətli abidəsi dəfələrlə müxtəlif şəkillərdə nəşr edilib. Hələ XIX əsrin 30-cu illərindən başlayaraq müxtəlif mətbuat səhifələrində eposun əsas qəhrəmanı və ayrı-ayrı surətləri, eləcə də onların adları ilə bağlı abidələr haqqında ilk məlumatlar, rəvayətlər, əfsanələr və kiçik epizodlar nəşr olunmağa başlayıb. “Koroğlu” eposunun bu nəşri elmi arxivlərdə qorunan mövcud qollar, həmçinin son illərdə toplanmış materiallar əsasında tərtib olunub. Bu qollar eposun süjet xəttinə müvafiq olaraq ardıcıllıqla, əsərin obrazlar sisteminin inkişaf dinamikasına uyğun sıralanıb