Amansız, dağıdıcı qüvvənin qarşısında yalnız cılız bir alman qızı – balaca Lizel dayanıb. O, kitab oğrusudur. İnsan maskası taxmış vəhşilər insan həyatını oğurlayan zaman bu qızcığaz onların evindən kitab oğurlayır... Əsərin mesajını anlamaq o qədər də çətin deyil. Qlobal cinayətin qarşısını almaq üçün “söz”ə ehtiyac var. Söz olan yerdə əməl də olacaq. Bəlkə, çox gec olacaq, ancaq mütləq olacaq... Müharibədən bəhs edən bu qeyri-adi roman ölümün dilindən səslənir. Hamının qəbul etdiyi yeganə gerçəklik – ölüm insanlara mənəvi dəyərlər aşılayır Qaranlıq əzab tunelinin sonunda hər zaman işıq var. Müəllif bu işığa çatmaq üçün cəhalət tonqalından oğurlanmış kitabı uşağın qucağına sıxır. Nəticədə, Lizel – cılız bədənli bu kitab oğrusu əsərin ortasından qırmızı xətt kimi keçərək ölümün oğrusuna çevrilir.