Qanun Nəşriyyatı "Məktəbli kitabxanası" seriyasından sizə məşhur rus yazıçısı Fyodor Dostoyevskinin 1866-cı ildə qələmə aldığı "Cinayət və cəza" romanının qısaldılmış mətnini təqdim edir. Roman dünya ədəbiyyatının ən məşhur psixoloji nümunələrindən biri hesab olunur. Əsərdə gənc tələbə Rodion Raskolnikovun ehtiyac və səfalət üzündən qatilə çevrilməsi, bu cinayəti mənəvi və fəlsəfi cəhətdən əsaslandırmağa çalışması, sonra isə onun içində baş verən vicdan mübarizəsi təsvir olunur. Dostoyevski insan psixikasını dərinliklərinə qədər incələyir, günah, cəza, əfv və vicdan mövzularını əhatəli şəkildə gündəmə gətirir. Roman təkcə bir cinayətin hekayəsi deyil, həm də insan ruhunun dramatik təkamülünün təsviridir.