Müasir insanın həyatını müşayiət edən əsas problemlərdən biri daimi gərginlik və daxili narahatlıqdır. Müəllif bunun başlıca səbəblərindən biri kimi insanın öz daxili aləmindən və yaşadığı andan uzaqlaşmasını göstərir. Halbuki indiki anın fərqində olan insan keçmişin xatirələri və gələcəyin xəyalları arasında itib-batmır. Keçmiş və gələcəklə bağlı düşüncələrə qapılaraq özümüzü yaşadığımız andan ayırır, bununla da stress və narahatlığa yol açırıq. Axı keçmiş artıq yaşanıb, gələcək isə hələ baş verməyib. Onları dəyişdirmək və ya tam nəzarətdə saxlamaq imkanımız yoxdur. Bizim gücümüz yalnız indiki andadır. Məhz yaşadığımız ana diqqət yetirməklə daxili rahatlığa və mənəvi tarazlığa qovuşa bilərik. Kitab oxucunun diqqətini indiki anın qüdrətinə yönəldir, öz həyatına şüurlu şəkildə nəzarət etmək və daxili rahatlıq tapmaq üçün praktik üsullar təklif edir. İndinin gücünü dərk etməklə həyata baxışınızı dəyişə, həyatınızı daha yaxşı istiqamətə yönəldə bilərsiniz.