Dörd dostun azadlıq və xoşbəxtlik arzusu ilə yola çıxdığı “Bremen çalğıçıları” nağılı da daxil olmaqla bu kitabda Yakob və Vilhelm Qrimm qardaşları tərəfi ndən yazılmış 15 klassik nağıl yer alır. Bu nağıllar nəsildən-nəslə ötürülən xalq müdrikliyini, cəsarəti və ümid mesajlarını yaşadır. Cəsur qəhrəmanlar, hiyləgər personajlar, sehrli məxluqlar və əbədi dəyərlərlə zəngin bu nağıllar oxucunu danışan heyvanlarla dolu sehrli meşələrə və möcüzələr aləminə aparır. Bu kitab həm uşaqlar, həm də böyüklər üçün nəzərdə tutulub. Hər nağıl həyat dərsi verir, hər səhifə isə yeni bir xəyal qapısını aralayır. Bir sözlə, uşaqlar üçün əyləncəli, böyüklər üçün düşündürücü olan bu nağıllar hər yaşda oxucuya xitab edir.