Bütün böyük və güclü liderləri, mütəfəkkirləri, rəssamları, idmançıları, müdrikləri bir vacib keyfiyyət birləşdirir və bu keyfiyyət onlara öz xarakterlərinə qalib gəlmək imkanı verir. Bunun sayəsində onların qarşısında geniş yollar açılır. Onlar xoşbəxt olur və düzgün yaşayır. Bestsellerlər müəllifi Rayan Holidey bu keyfiyyəti sakitlik adlandırır – “dünya ətrafında fırlandıqca, sən də təmkinini qoru”. Müəllif “Sakitlik açardır” adlı yeni kitabında əbədi Stoa və Budda fəlsəfəsinə əsaslanaraq, aram hərəkətin irəli can atan insanların niyə gizli silahı olduğunu izah edir. Kitabda bu qədim, amma mütləq zəruri olan həyat tərzinə nail olmağın yolları göstərilir. Böyük mütəfəkkirlərə, Konfutsi, Seneka, Mark Avreli və Tik Nat Han, Con Stüart Mill və Nitsşe kimi filosoflara istinad edən Holidey deyir ki, sakitlik sadəcə fəaliyyətsizlik deyil, özünənəzarətə, intizama və diqqəti cəmləməyə aparan bir yoldur. İnsanlar üçün həmişə çətindir. Onlar maneələrlə, eqolarla və rəqabətlə üzləşir. “Sakitlik