Kitab dövləti idarə etmək haqqındadır. Müəllifin Səlcuq sultanının vəziri olması onu da daha da qiymətli edir. Əsəri XI əsrin tarixi-ədəbi hadisəsi sayırlar. Öz dövrünün dövlət quruluşu, hərbi sistemi, vergi qaydaları, dini təriqətləri və üsyanları haqqında əvəzsiz mənbədir. Eyni zamanda, əsrlərə meydan oxuyan unikal ibrətamiz hekayələri ilə maraq doğurur. Siyasi traktat janrına aid edilən “Siyasətnamə” 19-cu əsrdən başlayaraq dünya tədqiqatçılarının diqqətini cəlb etdi və bir çox aparıcı dillərə tərcümə olundu. Alim və tarixçilər orta əsrlərin tarixinin, dövlət quruluşunun, həmçinin ictimai-fəlsəfi fikrinin öyrənilməsində bu əsərin əhəmiyyətini dönə-dönə qeyd ediblər.