Əsərin hadisələri XVII əsr Niderlandında cərəyan edir. On altı yaşlı qulluqçu qız Qritin məşhur rəssam Yohannes Vermerin evinə gəlməsi ilə həyatı tamamilə dəyişir. Gənc qızın düşdüyü mürəkkəb mühit, arzuları və ilk gizli məhəbbəti oxucunu hadisələrin axarına qapılmağa vadar edir. Dövrün insanları, mədəniyyəti və düşüncə tərzi isə özünəməxsusluğu ilə diqqət çəkir. Qritlə Vermer arasındakı münasibət dərinləşdikcə sinfi fərqlər, qısqanclıq və ziddiyyətlər də üzə çıxır. Digər qulluqçuların paxıllığı ilə daha da gərginləşən hadisələri müəllif sanki öz gözləri ilə müşahidə edirmiş kimi incə detallarla təsvir edir. Ailəli bir insanın yaşadığı gizli sevginin doğura biləcəyi nəticələr də romanın maraq doğuran məqamlarındandır. “Mirvari sırğalı qız” romanı beynəlxalq bestsellerə çevrilərək beş milyondan çox nüsxədə satılıb və “Barnes & Noble Discover” mükafatına layiq görülüb.