Məşhur generalın təkbaşına böyütdüyü yeganə övladı – bloger qızı bağ evində silahla özünü öldürür. O, bunu sevgilisinin xəyanətinə görə törətdiyinə dair məktub yazır və hadisəni anbaan öz mobil telefonunun kamerasına çəkir. İntihardan bir qədər əvvəl isə sosial şəbəkədə hekayə bölməsində iki pozitiv fotoşəkil paylaşır. Hadisənin intihar olması təsdiqlənir. Qızın sevgilisi şübhəli şəxs qismində məsuliyyətə cəlb edilir. Generalın işə qarışması nəticəsində isə oğlan çox keçmədən məsuliyyətdən azad olunur. Bəzi detallar atanı daha çox düşündürürdü; intihar baş verməzdən əvvəl evin bütün təhlükəsizlik kameraları söndürülüb, “Makarov” tapançasının yeganə səsboğan taxıla bilən modeli olan “Makarov PB” modeli qızının əlinə haradan keçib və ən əsası, qızı həmin gün səhər tezdən atasına günün sonuna qədər əla bir sürpriz edəcəyini bildirib. Günorta isə ölüm xəbəri gəlir. O, “sürpriz”lə nə demək istəyib? Beləliklə, nazirin tapşırığı ilə istintaqçıların sayı artırılır və tərkibi yenilənir. Bir-bir