“Anomaliya” roman-sensasiyadır. Məşhur fransız yazıçı Erve Lö Telyenin bu romanı “Qonkur” mükafatına layiq görülüb. 2020-ci ildə yazılmış roman gələcəkdə – artıq bizim üçün keçmişə çevrilmiş zamanlarda baş verən hadisələrdən bəhs edir. 2021-ci ilin iyun ayında Parisdən Nyu-Yorka uçan təyyarənin bütün ekipajı və sərnişinləri 100 gün əvvəl eyni reyslə uçmuş təyyarədəkilərlə eynidir. Üstəlik, iyun ayında gələnlərin hamısı mart ayında olduqlarını düşünürlər, yəni onların həyatından düz yüz gün çıxıb. Alimlər bu anomaliya üzərində baş sındırırlar, hərbçilər naməlum düşmənin hücumunu dəf etməyə hazırlaşırlar, romanın qəhrəmanları isə şiddətli duyğuların ağuşundadırlar. Ağıllı qatil, aşiq memar, həvəskar aktrisa, bəxtsiz yazıçı, hamilə vəkil – hər biri sevgi, övlad və yaşamaq hüququ uğrunda özünəməxsus şəkildə mübarizə aparır.