Kora Corciya ştatındakı pambıq plantasiyalarının birində qul həyatı yaşayır. Qullar burada cəhənnəm əzabı çəkir, lakin Kora daha acınacaqlı vəziyyətdədir. Öz afrikalı həmvətənləri arasında da əsl sürgün həyatına məhkumdur. Böyüdükcə qadın olmağın cəzasını çəkir. Virciniyadan gəlmiş Sezar adlı bir qul Koraya yeraltı dəmiryolu haqda danışır və onlar başlarına gələcəklərdən qorxmadan Şimal ştatlarına qaçmaq qərarına gəlirlər. Cənub ştatlarında yeraltı dəmiryolu həqiqətən var, sınıq-salxaq bir vaqondan və buxarla işləyən lokomotivdən ibarət qatar qaçaq qulları gizli yeraltı yolla Cənubun zülmündən xilas edib quldarlığın ləğv olunduğu Şimala aparır. Kora və Sezar Cənubi Karolinada vaqondan düşür, bir müddət burada yaşayandan sonra özlərini cənnətdəki kimi hiss edirlər. Lakin tezliklə məlum olur ki, bu ştatın sakit görünüşü əslində qaradərililəri gözləyən cəhənnəmi pərdələyirmiş. Ən dəhşətlisi də odur ki, Corciyadan bura məhz Koranı tutmağa gələn qəddar qul ovçusu Ridvey artıq onu tapmaq üzr