Yu Huanın “Yaşamaq” əsəri XX əsrin ikinci yarısında Çindəki dramatik sosial və siyasi dəyişikliklər fonunda bir insanın təlatümlü həyatından bəhs edir. Fugui gənc yaşlarında varlı və imtiyazlı insan olub. Ailəsinin sərvətini qumarxanalarda və fahişəxanalarda israf etdikdən sonra çox peşman olur və vicdanlı fermer olmaq qərarına gəlir. Həyatında bir-birinin ardınca baş verən faciələr, itkilər və əzablar onu həm cismən, həm də mənən sınağa çəkir. Romandakı bu təsvirlər Çin cəmiyyətindəki sosial dəyişiklikləri, təbii fəlakətlər və siyasi təzyiqlərlə bağlı əsaslı təhlilləri ortaya qoyur. Roman müharibə, inqilab və təbii fəlakətlərin insan həyatına necə təsir etdiyini göstərir. Fugui həyatındakı çətinliklərə baxmayaraq, yaşamağa davam edir.