Məhkəmə hüququnun fəlsəfəsi hüquqi təfəkkürün tərkib hissəsidir. Məhkəmə hakimiyyətinin fəaliyyət metodlarının, hüququn formalaşması və inkişafında hakimlərin rolunun təsdiqi ona əsaslanır. Məhkəmə hüququ elm və praktikada hüquqi mübahisələrin məhkəmə yolu ilə həllində məcburi xarakter daşıyan direktiv kimi tanınır. Müqayisə metodundan istifadə edən müəllif fənnin fəlsəfi mahiyyətinə işıq salır, bununla yanaşı, ötən və cari yüzilliklərin təbii və pozitiv hüquq arasında, presedentə və qanunlara istiqamətlənmiş məhkəmələr arasında uzunmüddətli fərqləri necə aradan qaldırdığını və bu zaman məhkəmə funksiyalarının reallaşdırılması sayəsində hüququn aktiv hərəkət metodunun işlənib-hazırlandığını göstərərək, sanki bir-birinə zidd görünən iki hüquqi təfəkkür məktəbinin maraqlı sintezini təqdim edir. Bu cür aktiv hərəkət metodu fundamental dəyərlərin qorunub saxlanılmasını, hüququn empirik inkişafını təmin edir, ədliyyə sisteminə daxil edilən informasiya texnologiyalarının a