Bu kitabda sözlərin ahəngindən istifadə edərək öz həyat təcrübələrimi, duyğu və düşüncələrimi şeir şəklində siz oxucularımla bölüşməkdən məmnunluq duyuram. Həyat çoxsaylı seçimlərimizi, atdığımız müxtəlif addımları, xəyallarımız uğrunda cəhdlərimizi özündə birləşdirən mübarizə meydanıdır. Nələrlə qarşılaşacağımızı öncədən bilmədiyimiz üçün bu gözəl, qayğılı həyatı yaşadıqca mübarizə nemətini dadırıq. Düşünürəm ki, yaşadığım keşməkeşli ömrümün uğurunu qazanmışam. Dəyərli oxucularım, diləyirəm ki, Allah sizləri yaşadığınız mübarizələrin mükafatı ilə müjdələsin. Xəyallarınızın gerçəkləşmə arzusuna biganə qalmamağınız diləyilə…